МГТИС-ийн оюутнууд Бөөрөлжүүтийн уурхайн тэтгэлгийг хүртлээ

Монгол-Германы хамтарсан ашигт малтмал, технологийн их сургуулийн оюутнууд Бөөрөлжүүтийн нүүрсний уурхай, цахилгаан станцын цогцолбор төслийг хэрэгжүүлэгч “Цэцэнс Майнинг энд Энержи” ХХК-ийн тэтгэлгийг хүртэж, шагнууллаа.

Монгол улсад эрчим хүчний салбарт хийгдэж байгаа хамгийн том төслүүдийн нэг болох Бөөрөлжүүтийн нүүрсний уурхай, цахилгаан станцын цогцолбор төслийг хэрэгжүүлэгч “Цэцэнс майнинг энд энержи” ХХК нь эрчим хүчний салбарт мэргэжлийн ажиллах хүчийг бэлтгэх, мэргэжлийн боловсрол эзэмшихэд нь дэмжлэг үзүүлэх, салбарын хөгжлийг бүтээлцэх ирээдүйн инженерүүдэд урам зориг өгөх, ажлын байраар хангах зорилгоор “Ирээдүйг бүтээгч инженер” тэтгэлэгт хөтөлбөрийг зарласан юм.

Тус хөтөлбөрт МГТИС-ийн Цахилгааны инженерийн хөтөлбөрийн 4-р курсийн оюутан У.Мичидгэрэл “Ирээдүйн мэргэшсэн инженер” номинаци, Мехатроникийн хөтөлбөрийн 4-р курсийн оюутан А.Тулга “Ирээдүйн зөвлөх инженер” номинацид шалгарч, зөөврийн компьютер, сургалтын төлбөрийн тэтгэлэг хүртлээ. 

Оюутан залуусыг эрэлттэй мэргэжлээр бэлтгэхэд үнэтэй хувь нэмэр оруулж буй “Цэцэнс Майнинг энд Энержи” ХХК-д талархал илэрхийлж, амжилт хүсье.