Оюутны зөвлөл ба Төгсөгчдийн холбоо
МГТИС-ийн Оюутны зөвлөл (ОЗ) нь 2016 онд байгуулагдсан бөгөөд одоогоор 11 гишүүнтэйгээр үйл ажиллагаагаа явуулж байна. Оюутны зөвлөлийн гол зорилго нь оюутнуудын эрх ашгийг хамгаалах, оюутнуудыг хариуцлагатай, хичээнгүй, үлгэр дуурайлал болсон ирээдүйн удирдагчид болгон хөгжүүлэхэд оршино. Оюутны зөвлөлийн гишүүд нь оюутнуудын саналаар сонгогддог бөгөөд хоёр семестрийн турш зөвлөлд ажиллах эрхийг авна. Гишүүн тус бүр Оюутны зөвлөлд тодорхой байр суурь, хариуцлага хүлээн ажилладаг.
Энэ хичээлийн жилийн хувьд оюутнуудын идэвхийг сайжруулах, харилцааг бэхжүүлэх үндсэн дээр Спорт өдөрлөг, Цасны баяр зэрэг оюутнуудыг холбосон үйл ажиллагаа хэрэгжүүлэхээр төлөвлөн ажиллаж байна.
1. Ерөнхийлөгч Э. Дугармядаг
- Багийн гишүүдийг удирдах, зөвлөлийн алсын харааг тогтоох
- Гишүүдийн харилцаа холбоог нэгтгэх, идэвхжүүлэх
- Тогтмол уулзалт зохион байгуулах
- Үйл ажиллагааг санаачлан эхлүүлэх
- Факультет, Захирлын зөвлөлтэй харилцаа холбоо тогтоох
- Арга хэмжээг төлөвлөх, зохион байгуулах
- Эрдмийн зөвлөл болон Оюутны ёс зүйн хорооны хуралд оролцох
2. Дэд ерөнхийлөгч Г. Мөнхсолонго
- МГТИС-ийн Клубийн зөвлөлийн удирдагчаар ажиллаж, клубуудын үйл ажиллагааны идэвх болон асуудлыг хариуцан ажиллах
- Ерөнхийлөгчийг орлох мөн ерөнхийлөгчтэй хамтран ОЗ-д чиг өгөн ажиллах
- Санхүүчтэй хамтран ОЗ-ийн жилийн төлөвлөгөө болон төсвийн тооцоо гаргах
3. Нарийн бичиг Б. Мөнхзул
- Хурлын протокол хөтлөх
- Хурлын ирцийг бүртгэх
- Оюутны зөвлөлийн материал, бичиг баримтуудыг хадгалах
- Оюутны зөвлөлөөс зохион байгуулсан үйл ажиллагааны тайланг бичих
- Бусад гишүүдийн хамтаар үйл ажиллагаа зохион байгуулах
4. Санхүүч П. Сувд
- Оюутны зөвлөлийн санхүүг бүрэн хариуцах, хяналт тавих
- Бялдаржуулах төв, Кофе корнер, Бичиг хэргийн корнеруудын санхүүг нэгтгэн хяналт тавих
- Аливаа үйл ажиллагааны санхүүгийн тооцоо, төлөвлөгөө гаргах
- Оюутны зөвлөлөөс гарч буй зарлагыг тайлагнах
- Аливаа санхүүгийн эх үүсвэр олох үйл ажиллагаанд зөвлөгөө өгөх
5. Бичиг хэргийн корнер С. Энхгариг
- Оюутнуудыг бичиг хэргийн хэрэгсэлээр хангах
- Бичиг хэргийн корнерийн санхүү болоод бүртгэлд хяналт тавьж Оюутны зөвлөлд сар болгон тайлан гаргаж өгөх
- МГТИС-ийн мерч бүтээгдэхүүнүүдийг сурталчлах, түгээх
- Бичиг хэргийн корнерт гарч буй бүтээгдэхүүнүүдэд хяналт тавих, сайжруулахад анхаарах
- Үйлчлүүлэгчидтэй ойр байж, санал бодлыг нь сонсох
6. Бялдаржуулах төв хариуцагч И. Сугар-Очир
- Бялдаржуулах төвийн үйл ажиллагаанд хяналт тавьж, ээлжийн хуваарь гаргах
- Хичээллэгчтэйгээ ойр байж, үйл ажиллагааг санаачилж зохион байгуулах
- Бялдаржуулах төвийн багаж төхөөрөмжид хяналт тавьж, сайжруулахад анхаарах
- Бялдаржуулах төвийн санхүү болоод бүртгэлд хяналт тавьж оюутны зөвлөлд сар болгон тайлан гаргаж өгөх
7. Кофе корнер хариуцсан ажилтан Х. Мөнх-Ирээдүй
- Кофе корнероос гарч буй бүтээгдэхүүнүүдэд хяналт тавих, сайжруулахад анхаарах
- Үйлчлүүлэгчидтэй ойр байж, санал бодлыг нь сонсох
- Кофе корнерын санхүүд хяналт тавьж, оюутны зөвлөлд сар болгон тайлан гаргаж өгөх
8. Мэдээлэл нэгтгэгч Ц. Марал
- ОЗ-ийн үйл ажиллагааны бүх файл, тайланг архивлах
- ОЗ-ийн мэйл хаягийг хариуцан авч, оюутнуудад мэйл хаягаар дамжуулан мэдээлэл түгээх, ирсэн мэйлд хариу өгөх
- Оюутны зөвлөлийн гишүүд болон их сургуулийн тэнхимүүдийн хоорондын уялдаа холбоог хангах
9. Олон нийтийн харилцааны ажилтан Н. Лхагвацэнд
- Аливаа хувь хүн, байгууллага, албадаас ирж буй мэдээллийг нэгтгэн, мэдээлэх
- Үйл ажиллагааны зохион байгуулалтад идэвхтэй оролцох
- ОЗ-ийн цахим хуудсуудыг идэвхжүүлж үйл ажиллагааны зураг бичлэгүүдийг түгээх
- Сургуулийн заалыг хариуцаж хяналт тавих
10. Гомдол, хүсэлтийн менежмент Н. Эрхэмбаяр
- Оюутнуудын гомдол, хүсэлтийг цуглуулах
- Гомдлын хариуг өгөх
- Хүргүүлэх бичиг баримтыг бэлтгэх
- Бусад гишүүдтэй хамтран арга хэмжээ зохион байгуулах
11. Оюутны идэвхийн оноо хариуцагч Э. Энхбаяр
- Үйл ажилгааны ирцийг бүртгэж авах
- Оюутан бүрийн идэвхийн оноог гаргах
- Тэтгэлгийн хороонд оюутан бүрийн оноог явуулах
“МГТИС-ийн төгсөгчид” ТББ
МГТИС-ийн төгсөгчдийн харилцаа холбоо нь гагцхүү төгсөлтийн баяраар хязгаарлагддаггүй. Учир нь “МГТИС-ийн төгсөгчид” ТББ нь тус их сургуулийн бусад төгсөгчид, багш, ажилтнуудыг хэд хэдэн үйл ажиллагаагаар холбож, байнгын харилцаатай байх нөхцөлийг бүрдүүлдэг. Тэд Сургалт, оюутны асуудал хариуцсан албанаас зохион байгуулдаг Ажил мэргэжлийн үйлчилгээг дэмжих аливаа арга хэмжээ, үйл явдал гэхчлэн жил бүр болдог уулзалт, олон соёл хоорондын үйл ажиллагаагаар холбогддог. Түүнчлэн манай төгсөгчид орчин цагийн эрэлт хэрэгцээнд нийцсэн салбарын чухал мэдээллийг хуваалцдаг МГТИС-ийн хөтөлбөрийн цуврал семинарт тогтмол хамрагддаг.
“МГТИС-ийн төгсөгчид” ТББ нь тус их сургуулийн төгсөгчдийн байгуулсан ашгийн бус байгууллага юм. Тус байгууллагын тэргүүнээр 2018 оны төгсөгч А.Сайнсанаа ажиллаж байна.
МГТИС-ийн төгсөгчдийн харилцаа холбоо нь гагцхүү төгсөлтийн баяраар хязгаарлагддаггүй. Учир нь “МГТИС-ийн төгсөгчид” ТББ нь тус их сургуулийн бусад төгсөгчид, багш, ажилтнуудыг хэд хэдэн үйл ажиллагаагаар холбож, байнгын харилцаатай байх нөхцөлийг бүрдүүлдэг. Тэд Сургалт, оюутны асуудал хариуцсан албанаас зохион байгуулдаг Ажил мэргэжлийн үйлчилгээг дэмжих аливаа арга хэмжээ, үйл явдал гэхчлэн жил бүр болдог уулзалт, олон соёл хоорондын үйл ажиллагаагаар холбогддог. Түүнчлэн манай төгсөгчид орчин цагийн эрэлт хэрэгцээнд нийцсэн салбарын чухал мэдээллийг хуваалцдаг МГТИС-ийн хөтөлбөрийн цуврал семинарт тогтмол хамрагддаг.
“МГТИС-ийн төгсөгчид” ТББ нь тус их сургуулийн төгсөгчдийн байгуулсан ашгийн бус байгууллага юм. Тус байгууллагын тэргүүнээр 2018 оны төгсөгч А.Сайнсанаа ажиллаж байна.
