МГТИС-ийн намрын “Нээлттэй өдөрлөг”-т 350 гаруй оролцогч оролцлоо

[2024.11.16] Монгол-Германы хамтарсан ашигт малтмал, технологийн их сургууль нь намрын “Нээлттэй өдөрлөг” арга хэмжээг 2024 оны 11-р сарын 16-ны өдөр Германы олон улсын хамтын ажиллагааны нийгэмлэгийн (GIZ) дэмжлэгтэйгээр амжилттай зохион байгууллаа. Өдөрлөгт Улаанбаатар хот, Багануур, Налайх дүүргээс гадна Орхон, Булган, Ховд, Дундговь, Өмнөговь аймгаас гээд нийт 350 орчим ахлах ангийн сурагч, эцэг эх, багш нар зорин ирж оролцлоо. Энэ өдөр хүрэлцэн ирсэн оролцогчдод МГТИС-ийн багш ажилтнууд, оюутнуудын зүгээс сургалтын хөтөлбөрүүд, зөвхөн тус сургуулийн оюутнуудад олгодог тэтгэлгүүд, хотхоны амьдрал, сайн дурын клубүүдээ танилцуулсан юм.

Энэхүү өдөрлөг нь хүүхэд залууст инженерийн мэргэжлийн талаар тодорхой ойлголт өгөх, Германы сургалтын хөтөлбөрийг Монголын инженерийн салбарт хэрхэн уялдуулж,  эрэлттэй мэргэжилтэн бэлтгэхээр зорьж байгаа талаар цогц мэдээлэл өгснөөрөө онцлогтой байлаа.