[2022.03.26] Монгол-Германы хамтарсан ашигт малтмал, технологийн их сургуулийн (МГТИС) Нээлттэй өдөрлөг амжилттай зохион байгуулагдаж, 400 гаруй хүүхэд залуус, багш, эцэг эхчүүд оролцлоо. Хоёр жил гаруй хугацаанд завсардаад байсан энэхүү өдөрлөг хөл хөдөлгөөн ихтэй байж, ахлах ангийн сурагчдад мэргэжил сонголттой холбоотой олон сонирхолтой мэдээлэл өглөө. Энэ өдөр МГТИС-ийн профессор багш нар инженерийн бакалавр, магистрын хөтөлбөрүүдээ танилцуулсны зэрэгцээ Хэл, заах арга зүйн төвөөс өдөрлөгт оролцсон хүүхдүүдийн дунд англи хэлний түвшин тогтоох шалгалтыг зохион байгуулсан юм.

МГТИС нь Монгол болон Герман хоёр улсын засгийн газар хамтран байгуулсан, Германы сургалтын тогтолцооны дагуу инженерийн боловсролыг англи хэл дээр олгодог, хотхон хэлбэрээр хөгжиж буй загвар их сургууль гэдгээрээ онцлогтой. Тиймээс тус их сургуулийн оюутнуудын зүгээс оролцогчдод оюутны хотхон болон өөрсдийн сайн дурын клубүүдээ танилцуулсан юм.

Өдөрлөгийн гол зочид болсон хүүхэд залуусын ихэнх нь Налайх, Багануур дүүргээс гадна Олон улсын хөтөлбөртэй “Улаанбаатар Эмпати”, “Шинэ эрин” 31, 48, 147, 11-р сургуулиас ирсэн байлаа. Мөн МГТИС нь энэ хичээлийн жил дуустал долоо хоног бүрийн Пүрэв гаргийг “Нээлттэй өдөр” болгон зарласан тул хүүхэд залуус анги хамт олноороо, найз нөхөд, гэр бүлийн хамт хүрэлцэн ирэх боломжтой.